WEEK II - 我的最愛 @紫

這個星期的月事, 觸到我人生22年來的最愛 – 我的家。

我的家有爸爸、有媽媽、姐姐和小狗。缺一不可。

家，對我來說很重要，比我自己的生命還來得重要。而這星期說到媽媽──於我生命中，很重要，重要到不得了的一個人。

就如一般（反叛的）青少年（？！），我經常對父母呼呼喝喝、覺得佢地煩、嘈、唔明白唔了解自己，亦好少做一Ｄ　ｓｗｅｅｔ既野，例如同佢講我愛你呀，鍚下佢咁。大家可能覺得生日送禮物係一件好平常既事，但係我屋企其實無呢個傳統，就算我送左，呀媽都會話：「哎呀！我最憎就係呢ｄ野架啦！」係架～我媽媽好勁架，我送邊樣佢就憎邊樣架啦～（激死=.=”）我知道其實佢係唔想我地哂錢，但當佢真係表演一副好嫌惡、不高興的樣子時，的確減低我買野俾佢既意欲。但我真係好愛好愛佢，我唔會／唔識係日常生活表達出黎，但我真係同自己講過，我一定唔要媽咪再咁辛苦做野！我要佢下半世過得生活無憂！

但我呀媽卻經常說：「媽媽知道自己一定唔會長命架啦」（ＴＯＵＣＨＷＯＯＤＸ１０００）每次佢咁講我就好反感好反感，因為就好似「給媽媽的信」既獨白所講，如果無左媽媽，我會不懂生存，但不是我不懂照顧自己，漏Ｍ我自己識洗底褲，洗床單，我識去百佳買Ｍ巾，我識做好多平時你幫我做既野，但我唔可以無左你，因為我的世界會沒了空氣、沒了陽光，會停下來。

而我的世界會沒了色彩、沒了歡樂，如果我沒有小狗。

首先，我要感謝姐姐係我出世既時候，係海洋公園（估唔到呢ＸＤ）用＄１２買左小狗送俾我。姐姐話買小狗既原因係因此佢儲既零用錢只夠買最平既小狗，但呢隻最便宜的小狗依家係我生命中無價。

“…小狗是我的命根, 它不是玩具, 也說不上是朋友, 因為它其實就是我, 如果別人對它不好, 就等同對我不好, 我會拼了命的保護它, 愛鍚它, 或許, 就如我也希望有人拼了命的保護我, 愛鍚我一樣。” 我曾在FACEBOOK這樣說。

好多人會到中學，甚至小學就唔再攬 “公仔”，然後覺得我好奇怪，好幼稚。但首先，小狗唔係一隻公仔，而且小狗對我既意義唔只在於佢陪伴我成長，而係佢參與我既成長。可能因為我細個無咩朋友，同姐姐既關係又有Ｄ疏離，小狗係唯一一個無離開過我，一直係我身邊支撐（對，是支撐而非支持）住我。而愛我的人，首先條件是必須也愛小狗，所以我以前的男朋友也很愛小狗架＝Ｄ（講講下，好似講到我逼佢地咁＝。＝佢地自願架！）

這星期, 令我反思更多, 亦令我更確認自己對家人、對小狗的愛。

i love you dad, i love you mum, i love you sister, i love you little dog, i love you drama.